Tserman itinumba ng nakamotor
MANILA, Philippines - Isang barangay chairman ang nasawi nang pagbabarilin ng dalawang lalaki na sakay ng isang motorsiklo kamakalawa sa Bayugan City, Agusan del Norte.
Ang nasawi ay kinilalang si Marciano Café, 53, Chairman sa Brgy. Maygatasan ng lungsod.
Sa ulat, bandang alas-10:00 ng umaga ay lulan ang biktima ng kulay pula na may disenyong puti Honda XR 200 motorcycle at binabagtas ang highway ng Brgy. Maygatasan at patungong Purok 8, Rice Drier, Brgy. Maygatasan ng lungsod nang sundan ng mga suspek na kapwa nakasuot ng helmet at lulan ng kulay pulang motorsiklong XRM at pinagbabaril ang biktima.
Humagis ang biktima sa kanyang motorsiklo dahil sa mga tama ng bala sa likurang bahagi ng katawan mula sa cal. 45 pistol.
Pinaniniwalaan namang may kinalaman sa pulitikang pambarangay ang motibo ng krimen.
- Latest
