Bus swak sa bangin: 27 sugatan

MANILA, Philippines - Nasugatan ang 27 pasahero matapos aksidenteng mahulog sa bangin ang kanilang sinasakyang bus sa national highway ng Pilar, Sorsogon kahapon.

Ang mga biktima ay isinugod sa Bicol Regional Training Hospital sa Legazpi City para malapatan ng lunas.

Sa imbestigasyon,dakong alas-6:00 ng umaga nang maganap ang sakuna sa kahabaan ng national highway sa Brgy. Nasti, Pilar ng lalawigan.

Nabatid na galing sa Maynila ang Pamar Bus Line (UVC-967) na patungo sa Donsol, Sorsogon nang mawalan ng kontrol sa manibela ang driver ng  behikulo habang bumabagtas sa paibabang bahagi ng matarik na highway sa lugar at tuluy-tuloy na bumulusok sa may limang talampakang bangin.