Naghagis ng granada napatay
MANILA, Philippines - Isang lalaki na wanted sa batas ang napatay nang ito ay barilin ng mga pulis matapos na maghagis ng granada habang isinisilbi ang warrant of arrest laban sa kanya kahapon ng umaga sa Lubao, Pampanga.
Namatay noon din ang suspek na si Jesus Torres alyas Boy Pana, ng Sitio Mulang Matwa, Brgy. San Roque, Arbol, Lubao.
Nasugatan naman ang pulis na si PO2 Randy Pascacio, miyembro ng Regional Public Safety Battalion (RPSB) 3.
Batay sa ulat, bago nangyari ang insidente dakong alas-6:00 ng umaga sa harapan ng bahay ng suspek ay nagtungo sa lugar ang mga elemento ng RPSB 3 3 1ST Maneuver Company sa pamumuno ni Sr. InsÂpector Elias Tait upang isilbi ang warrant of arrest laban kay Torres.
Sa halip na sumuko ang suspek ay hinagisan nito ng granada ang arresting team na ikinasugat ni PO2 Pascacio kung kaya’t napilitan na ito ay barilin hanggang sa mapatay.
- Latest
