3 Magkakapatid nalunod sa ilog
MANILA, Philippines - Tatlong magkakapatid na binatilyo ang nasawi matapos na sila ay malunod sa ilog nang madulas at nahulog habang naglalakad kamakalawa sa Brgy. Javalera, Gen.Trias, Cavite.
Ang tatlong magkakapatid ay kinilalang sina Jeric, 13; Jaymark, 14; at Jan Maynard Mercado, 16 pawang mga residente ng Blk 38, Lot 7, Phase 4, Brgy. Javalera, Gen. Trias, Cavite.
Batay sa ulat ng pu Âlisya, alas-12:30 ng tanghali ay magkakasabay na naglalakad sa gilid ng ilog ng Pasong Mitring ang tatlong magkakapatid kasama ang kanilang kuya na si Kennedy Mercado.
Dito ay nadulas si Jaymark at nahulog sa ilog kung kaya’t tumalon ang dalawang kapatid na sina Jeric at Jan Maynard upang iligtas ito.
Subalit, dahil na rin sa lalim at lakas ng agos ng tubig ilog ay tuluyang nilamon ang tatlong magkakapatid.
Mabilis namang tumakbo at humingi ng tulong ang kuya sa mga residente sa lugar at pagbalik nito kasama na ang mga rescue team at pinagtulungang hanapin ang tatlong biktima.
Isa-isang nakuha sa ilalim ng ilog ang tatlong magkakapatid na mabilis itinakbo sa pagamutan, subalit idineklarang dead- on-arrival.
- Latest
