SLEX road mishap: 20 pasahero sugatan

MANILA, Philippines - Sugatan ang dalawampung pasahero nang  maaksidente ang isang pampasaherong  bus  sa kahabaan ng South Luzon Expressway, Sta Rosa City, Laguna kahapon ng umaga.

Batay sa repot mula sa Camp Crame, ang insidente ay naganap dakong alas-6:15 ng umaga kahapon matapos na lumuwag at matanggal ang tornilyo ng kanang gulong ng Southern Carrier Bus kaya nawalan na ng kontrol ang driver nito.

Ang nasabing bus ay may sakay na 50-pasahero at patungong Lipa City galing sa Pasay City nang maganap ang aksidente.

Agad namang isinugod sa San Jose Hospital at Biñan Doctors Hospital ang mga nasugatang pasahero, ilan sa mga ay ang nabalian ng buto sa sakuna.

Samantalang, mabilis na nagresponde ang mga bumbero upang mapigilan ang posibleng sunog matapos na kumalat ang krudo ng bus kalsada.