Napoles isinugod sa ospital
MANILA, Philippines - Isinugod sa ospital ang tinaguriang reyna ng pork barrel scam na si Janet Lim-Napoles nang sumakit ang tiyan nito habang isinagawa ang pagdinig dito hinggil sa motion nitong magpa-opera sa obaryo kahapon sa Makati City Regional Trial Court.
Pasado ala-1:00 na ng hapon inihayag ng pamunuan ng Makati City Police, na nananatili sa isang kuwarto ng Ospital ng Makati (OsMak) si Napoles matapos na sumpungin ng sakit ng tiyan habang dinidinig ang motion sa Makati City RTC Branch 150, para magpa-opera.
Walang kaugnayan sa motion nitong pagpapa-opera at napag-usapang ibabalik din ito kaagad sa kanyang kulungan sa Fort Sto. Domingo matapos itong suriin at tututukan din ng korte ang magiging rekomendasyon ng doktor ng OsMak kaugnay ng kondisyon ni Napoles.
- Latest