3 katao napatay sa clan war

MANILA, Philippines - Napatay ang tatlong katao habang isa ang nasugatan matapos na tambangan ng 20 armadong kalalakihan ang grupo ng kalaban nilang angkan kamakalawa sa bayan ng Tipu-Tipo, Basilan.

Ang mga nasawing biktima ay kinilalang sina Halim Randa, 18; Hadji Alih Ibrahim, 38; at Amir Saribin, 21. Habang ang nasugatan na si Haber Cuevas ay dinala sa Isabela City para malapatan ng lunas.

Sa ulat, bandang alas-7:30 ng umaga kamakalawa nang tambangan ng mga armadong kala­lakihan ang mga biktima habang lulan ng jeepney sa Brgy. Bohe Lebbung, Tipo-Tipo, Basilan habang patungo ang mga ito sa Lamitan City.

Nag-deploy na rin ng tropa ang militar sa lugar upang maiwasan ang posible pang pagsiklab ng kaguluhan dito.