Shootout sa Pasig: 3 patay
MANILA, Philippines - Tatlo ang nasawi, kabilang ang isang army reservist at dalawang rinding-in-tandem na suspek sa shootout na naganap sa Pasig City kahapon ng umaga.
Kinilala ni Pasig City police chief, Sr. Supt. Mario Rariza ang napatay na army reservist na si Ignacio Mejai, 45. Habang ang dalawang napatay na suspek ay sina Abdulkadir Dipatuan at Mohalidin Sli Ebrahim.
Nabatid na pinagbabaril ng dalawang napatay na suspek ang biktima sa Pinagbuhatan Pasig City, ganap na alas-9:40 ng umaga.
Agad naman naitawag sa himpilan ng pulisya ang ginawang pagbaril at pagpatay ng mga suspek sa biktima kaya mabilis nilang tinugis ang mga suspek hanggang sa abutan sa C-6 Road sa boundary ng Pasig at Taytay Rizal.
Tinangkang pasukuin ng mga humahabol na awtoridad ang dalawang suspek pero sa halip na sumuko ay nakipagbarilan ang mga ito.
Habang nagaganap ang running-gun battle ay nakahingi ng responde ang mga tauhan ng Pasig PNP sa mga tauhan ng pulisÂya sa Taytay Rizal kaya agad na nagsagawa ng road blockage hanggang sa makorner ang dalawang suspek at mapatay.
Nabawi mula sa dalawa ang dalawang kalibre 45 baril na kanilang ginamit sa pagpatay sa army reservist.
Sa ngayon ay nagsasagawa pa ng malalimang imbestigasyon ang mga awtoridad upang mabatid ang motibo ng ginawang pagpatay ng dalawang suspek sa biktima.
- Latest
