6-anyos napisak ng van

MANILA, Philippines - Namatay noon din ang isang 6-anyos na batang lalaki nang maatrasan at magulungan ng isang L300 van (UUJ-129) kamakalawa ng gabi sa Antipolo City, Rizal.

Ang nasawi ay nakilalang si Ian Cadag, ng Road 3, Inday Subdivision, Barangay San Jose, Antipolo City.

Nadakip ang suspek na si Jose Amparo, 34, kapitbahay ng biktima,

Sa ulat, dakong alas-6:30 ng gabi ay bigla umanong sumakay ang biktima sa likod ng van na minamaneho ng suspek habang ito  ay minamaniobra na hindi umano nito namalayan.

Sa pag-atras ng van ay nalaglag ang biktima at nagulungan na kung saan ay nalaman na lamang ng driver na may nasagasaan siya nang maramdamang tila mayroon siyang nagulungan.

Nang bumaba para silipin ay nakita nito ang biktima sa ilalim.