Driver natagpuang patay sa taxi

MANILA, Philippines - Sa loob ng minamanehong taxi natagpuang patay ang driver na si Daniel Atis, ng Padilla Street, Brgy. Lower Bicutan, Taguig City at may tama ng bala sa ulo kahapon ng madaling-araw sa Las Piñas City.

Sa ulat, dakong alas-12:45 ng madaling-araw nang matagpuan ng mga barangay tanod ang bangkay ng biktima sa loob ng kanyang minamanehong taxi na may plakang UYA-214 na nakaparada sa C-5 Extension, Brgy. Pulang Lupa Uno, ng naturang lungsod.

May posibilidad na hindi panghoholdap ang motibo ng krimen dahil sa narekober ang pitaka ng biktima na may laman pang P2,100 at kanyang lisensya.