Joy B tutulungan ang mga batang ina

MANILA, Philippines -Handang tulungan ni QC Vice Mayor Joy Bel­mon­te na magkaroon ng maayos at disenteng buhay ang mga batang ina na hindi nakapagtapos ng pag-aaral at walang pinagkakakitaan sa pamamagitan ng isang proyekto na gaganapin sa Oktubre 19.

Ang proyekto na may temang Hawak Kamay Tungo sa Magandang Kinabukasan: Isang Pagtitipon ng mga Batang Ina, International Day for the Girl Child na layuning malaman ng bise alkalde ang panga­ngailangan ng mga ito para makapamuhay ng maayos sa kasalukuyang antas ng pamumuhay.

Bibigyan ang mga ito ng sapat na kaalaman sa proper parenting o tamang pag-a­alaga ng mga anak at aalagaan din ang kalusugan.