LPG blast: Buntis na ginang, 2 anak todas
MANILA, Philippines - Magkakasunod na binawian ng buhay sa Philippine General Hospital ang isang 34-anyos na ina na 7-buwang buntis at dalawa nitong anak na paslit matapos na tamaan nang sumabog na tangke ng liquified petroleum gas (LPG) sa Tondo, Maynila naganap kamakailan.
Unang binawian ng buhay ang 6-anyos na si Sean at kahapon ay magkasunod na namatay ang ina na si Jenny Nery, at anak na si Saina, 3-anyos pawang mga residente ng no. 1647 F. Varona St., Tondo.
Batay sa ulat ng Arson Division ng Manila Fire Bureau, dakong alas -9:30 ng gabi noong Setyembre 25 nang bigla umanong sumabog ang LPG ng pamilya.
Tinamaan ang mag-iina ng mga pira-pirasong bakal ng LPG sa iba’t ibang parte ng kanilang katawan.
Lumalabas sa paunang imbestigasyon na kaya umano sumabog ang LPG ay dahil sa kulob ang lugar na kung saan ay walang haÂngin na pumapasok sa inuÂupahang silid ng mag-iina.
Iimbestigahan din kung depektibo ang nasabing tangke ng LPG na naging dahilan ng pagsabog nito.
Wala naman nadamay na bahay sa pagsabog at unang isinugod ang mag-iina sa Mary JohnsÂton MeÂdical Center, bandang alas-9:45 ng gabi, at kinabukasan ay inilipat sila sa PGH, na kung saan ay sunud-sunod na namatay.
Tumanggi ang mga kaÂanak na paimbestigahan pa ang pangyayari.
- Latest
