Panibagong petisyon vs PDAF isinampa sa SC

MANILA, Philippines - Naghain ng panibagong petisyon sa Supreme Court (SC) ang dating alkalde ng Boac, Marinduque na humihiling na ideklarang ‘unconstitution’ ang Priority Development Assistance  Fund (PDDF).

Itinuturing ni dating Mayor Pedrito Nepomuceno na “Mother of all Corruptions” ang PDAF o Pork Barrel.

Sa 7-pahinang petisyon ni Nepomuceno, hiniling nito na magpalabas ng ‘Cease and Desist  Order (CDO) ang SC para kay Pangulong  Benigno Aquino III, legislative at  executive departments sa pagpapalabas ng pondo.

Aniya, dapat ay diretsong i-release ang PDAF sa mga local government units  para magamit na pondo sa ‘priority projects’.

Ang petisyon ni Nepomuceno ay ikatlo na sa humihiling ng abolisyon ng PDAF system sa bansa.