Bunso, dedo sa suntok ng kuya
MANILA, Philippines - Dedo ang isang empleyado ng gobyerno makaraang pagsusuntukin ng kanyang kuya sa Malabon City kamakalawa ng hapon.
Hindi na nakarating ng buhay nang dalhin sa Pagamutan Bayan ng Malabon si Francisco Domingo, 41, binata, miyembro ng Civil Security Unit ng MaÂlabon City Hall at residente ng #5 Leonio St. ng nasabing barangay.
Pinaghahanap naman ng mga awtoridad ang suspek na si Roby Domingo, 49, kuya ng biktima, isang mekaniko at residente ng #8 Borromeo St., Barangay Longos Malabon City.
Base sa isinagawang imbestigasyon ni SP04 Ferdinand Espiritu, may hawak ng kaso, naganap ang insidente dakong alas-5:30 hapon sa nasabing lugar.
Sinasabing nagkaroon ng mainitang pagtatalo ang magkapatid hanggang sa walang habas na pagsusuntukin ng kuya si bunso na hindi naman lumaban.
Habang sinusuntok umano ng kuya si bunso ay nanikip ang dibdib nito hanggang sa hindi na tuluÂyang makahinga at nalagutan ng hininga.
- Latest
