P-Noy: Pananagutin ang nakinabang sa pork barrel scam

MANILA, Philippines - Inihayag ni Pangulong Benigno S. Aquino III na titiyakin niya na pananagutin ang lahat ng sangkot at nakinabang sa pork barrel scam.

Ginawa ni Pangulong Aquino ang pahayag sa kanyang mensahe sa paggunita sa National Heroes Day sa Libingan ng mga bayani sa Fort Bonifacio, Taguig City.

Magugunita na iniutos ng Pangulo noong Biyernes ang pagbuwag na sa Priority Development Assistance Fund (PDAF) o mas kilala sa tawag na pork barrel ng mga mambabatas.

Inatasan na nito ang DBM na makipag-ugnayan kina Speaker Sonny Belmonte at Senate President Franklin Dri­lon upang bumalangkas ng mekanismo na magsisiguro na hindi na maaaksaya ang pondo ng bayan.