Cell phone na-overcharge: 4 bahay natupok

MANILA, Philippines - Nagpaalala ang mga otoridad sa publiko na huwag iwanan ang cell phone na naka-charge upang hindi matulad sa apat na kabahayan na nasunog kamakalawa sa Brgy. Ligtong, Rosario, Cavite.

Batay sa ulat, ala-1:58 ng hapon nang magsimula ang sunog sa bahay ng isang Charlene Mendoza    matapos mapabayaan ang naka-charge na cell phone.

Mabilis na kumalat ang apoy  at nadamay pa ang tatlong kabahayan nina Adelina Trajico; Rizaldy Trajico at Celia Balutan na kung saan ay aabot sa P200,000 ang  naabong mga ari-arian.

Tinitingnan din ng mga imbestigador kung de­pektibo ang charger na ginamit kung kaya ma­bi­lis itong nag-init at su­mabog.

Tumagal ng may isang oras ang nasabing sunog bago tuluyang naapula.