Mandurukot itinumba sa underpass

MANILA, Philippines - Binistay ng bala ang isang 40-anyos na lalaki na pinaniniwalaang mandurukot ng hindi pa kilalang suspek sa underpass sa tapat ng Manila City Hall (MCH) sa Ermita, Maynila, kahapon ng umaga.

Ang biktima ay kinila­lang si Juanito Delfin, tu­bong Pangasinan, residen­te ng Gate 13, Area-B, Parola Compound, Tondo, May­nila.

Sa ulat, dakong alas-7:20 ng umaga nang barilin ng ilang beses habang nakatalikod at naglalakad umano sa Lagusnilad sa tapat ng city hall ang biktima na nakasuot pa umano ng bagong rubber shoes, naka-maong na pantalon at puting polo.

Inamin ng isang Lanie Abad, live-in partner ng biktima na minsan ay mandurukot ang kani­yang mister at wala si­yang alam na trabaho ito.