Dispatcher ng taxi pinatay
MANILA, Philippines - Pinagbabaril hanggang sa mapatay ang isang dispatcher ng taxi matapos na pasukin sa loob ng kanyang bahay ng hindi pa nakikilalang suspek sa Quezon City, kamakalawa ng gabi. Kinilala ang biktima na si Delfin Barduque Jr., 26, residente sa #34 San Pedro St., Brgy. Commonwealth sa lungsod. Ayon kay PO2 Jogene Hernandez, imbestigador, nahihirapan silang tukuyin ang salarin dahil maging ang kaanak nito ay hindi nakita ang pamamaril sa biktima. Nangyari ang insidente sa loob ng bahay ng biktima ganap na alas-9:40 ng gabi.
Bago ang insidente, nag-uusap umano sa unang palapag ng kanilang bahay ang biktima at kanyang nanay na si Aurora Oracion-Barduque nang makarinig sila ng mga putok ng baril sa labas.
Agad na dumapa si Aling Aurora dahil sa takot at nang maramdamang tapos na ang pamamaril ay bumaÂngon ito at nang kanyang tignan ang anak ay duguan na ito at nakahandusay. Sanabi pa ni Hernandez, masyado umanong madilim sa lugar na kinaganapan ng krimen kung kaya hindi nila alam kung saan dumaan ang salarin.
- Latest
