Dalawang preso sa Caloocan nakatakas

MANILA, Philippines - Nakatakas sa pama­magitan nang paglagare sa kanilang kulungang bakal ang dalawang preso na kapwa may kasong car­napping kamakalawa sa Caloocan City.

Ang mga nakatakas ay kinilalang sina Donald John Torribio, 19 at Berlin Del Rosario, 23, kapwa residente  ng lungsod.

Sa naantalang ulat ka­hapon na nakarating sa Caloocan City Police Headquarters, dakong alas-3:00 ng madaling-araw nadiskubre ng duty desk officer na si PO1 Reggie Nuevaespana, ng Barugo Police Station, na natakasan siya nina Torribio at Del Rosario.

Dahil sa insi­den­te ay sinibak sa kan­yang puwesto si PO1 Nuevaespana na isasa­i­lalim sa imbestigasyon at nakatakdang sampa­han  ng kaso kapag napa­tunayan na nagpabaya sa kanyang tungkulin ang naturang pulis na bantay.