P.2-M sa simbahan, ninakaw

MANILA, Philippines - Tinatayang aabot sa mahigit P200,000 halaga na laman ng isang vault sa simbahan ang natangay ng hindi pa kilalang mag­nanakaw na dumaan sa bu­bungan at kisame ng sim­bahan sa Cubao, Quezon City.

Sa reklamo ni Senior Pastor Vicente Buenaven­tura, 65, na nadiskubre ang pagnanakaw ng pumasok ang kanilang office staff na si Claire Agusan noong Martes ng alas-8:30 ng umaga.

Sa pagsisiyasat, pina­sok ng hindi natukoy na suspek ang kuwarto ni Bue­na­ventura sa pagitan ng alas-7:30 ng gabi hang­gang alas-8:30 umaga sa pamamagitan ng pagdaan sa bubungan bago tuluyang binutas ang kisame ng Jesus Messiah Global Church na matatagpuan sa no. 905 Aurora Blvd., kanto ng Har­vard St., Brgy. E. Rodriguez sa lungsod.

Nabatid na ikinandado ng caretaker na si Rele Go­yala ang simbahan na binabantayan pa ng secu­rity guard kung kaya kam­panteng hindi mapapasok ito.

May kabuuang halaga na P215,132.95 cash ang natangay ng mga suspek na kinuha mula sa tanggapan ni Buenaventura.