Grade 1 pupil, pisak sa van
MANILA, Philippines -Nasawi noon din ang isang 6-anyos na batang lalaki matapos itong masagasaan ng isang pampasaherong van nang ito ay tumawid naganap kamakalawa sa kahabaan ng highway ng Brgy. President Roxas, Remedios T Lim, Zamboanga Sibugay.
Ang biktima na nasawi ay kinilalang si Jestoni Flores, Grade 1 pupil at resiÂdente ng nabanggit na lugar.
Batay sa ulat, dakong alas-4:30 ng hapon ay binabaybay ng pampasaherong van (JVE-834) na minamaneho ni Ernesto Calibat, 32 ang nasabing highway nang bigla umanong tumawid ang biktima.
Hindi umano napansin ni Calibat ang pagsulpot ng bata kung kaya’t nasalpok ito at nakaladkad pa ng ilang metro.
Isinugod ng driver ang biktima sa Ipil Provincial Hospital ngunit idineklara na dead-on-arrival ang bata.
Kusang loob na sumuko ang driver sa pulisya na kinasuhan ng reckless imprudence resulting to homicide.
- Latest
