Lalaking baldado pisak sa 3 sasakyan

MANILA, Philippines - Pisak ang katawan ng isang lalaking putol ang dalawang binti matapos na masagasaan ng tatlong sasakyan habang ito ay gumagapang patawid sa kalsada sa harapan ng gasoline station sa Bacolod City kamakalawa  ng gabi.

Namatay noon din ang hindi pa nakilalang biktima matapos itong magkakasunod na magulungan at makaladkad ng tatlong humahagibis na behikulo na hindi naplakahan.

Sa ulat, dakong alas-8:30 ng gabi nang maganap ang insidente sa kahabaan ng Araneta Street ng nasa­bing lungsod nang hindi mapansin ng driver ang unang behikulo ang biktima dahilan madi­lim sa nasa­bing highway kaya’t nasagasaan ito at nasundan pa ng dalawang behikulo na pawang mabibilis rin ang takbo.