Patay na sanggol iniwan sa simbahan

MANILA, Philippines -Malaki ang hinala ng pulisya na walang pera na pampalibing ang mga magulang ng namatay nilang sanggol na babae kaya’t iniwan na lamang nila ito sa isang chapel sa Pandacan, Maynila, ka­makalawa ng gabi.

Ang sanggol ay na­pan­­sin ng janitor ng Ado­racion chapel ng Sto. Niño Church sa Pandacan na nakabalot sa kahon ng sapatos, nakabalot ng kulay puti na tela at plastic sando bag na hinihinalang may 2 hanggang 3 araw pa lamang na isinilang.

Binasbasan muna ang sanggol bago ito dinala ng pulisya.