Misis inaway ni mister nagbigti

MANILA, Philippines - Ang pag-away umano ng isang mister sa kanyang misis ang hinihinalang dahilan nang pagpapakamatay nito sa pamamagitan ng pagbibigti sa loob ng kanilang bahay sa San Mateo, Rizal, kamakalawa ng gabi.

Ang nasawi ay kinila­lang si Vicky Narciso, nasa hustong gulang, ng Barangay Dulong, Buhay Uno, San Mateo, Rizal.

Sa ulat ng pulisya, bago naganap ang insidente dakong alas-10:30 ng gabi ay nagkaroon umano ng hindi pagkaka­unawaan ang biktima at mister nito na kung saan ay nataasan ng boses ng huli ang una bago ito pumasok sa kanyang trabaho.

Hindi sukat akalain ng mister na hahantong sa trahedya ang kanilang maliit na tampuhan ng misis.