Kandidatong mayor inisyuhan ng warrant of arrest

MANILA, Philippines - Nagpalabas ng warrant of arrest si RTC Judge Corazon Domingo-Ranola (Branch 10) laban kay San Rafael, Bulacan vice mayor Cipriano ‘Goto’ Violago, Jr. at apat pa nitong mga tauhan na sina: Vergel dela Rosa Liquino, of Bgy. Pansumalok, San Rafael; Nicolas Mangaluz alias Boyet; Joel Manga­luz, ng Sitio 5 Bahay Pare, Can­daba, Pampanga; at Tristan S. Cruz IV, ng Barangay, Tanauan, Bustos.

Simula nang magpalabas ng warrant of arrest ay nagtago na si Violago na kumakandidato sa pagka-alkalde sa bayan ng San Rafael, Bulacan.

Ang kaso, na docke­ted as Criminal Case No. 1437-M-2013 ay isinampa ng Criminal Investigation and Detection Group (CIDG) hinggil sa pagkamatay ni SPO1 Rafael ‘Bart’ Bartolome, isa rin CIDG ope­rative na naka-base sa Malolos-CIDG office, na sinasabing kilalang malapit kay Vice Mayor Violago bago ito napatay.

Ayon sa mga naunang police report, si Bartolome umano ay biktima ng isang “set-up” at pinatay ng riding-in-tandem suspek matapos rumesponde sa tawag ng isang kaibigan sa loob ng Lapid’s Ville Subdivision sa Barangay Tambubong, San Rafael.