Akyat bahay dedo sa kuryente
MANILA, Philippines - Dedo ang isang hinihinalang miyembro ng akyat bahay gang matapos itong makuryente sa nilooban nitong pribadong bahay na may solar power sa Taguig City, kamakalawa ng umaga.
Matigas na at isa ng malamig na bangkay nang matagpuan ang biktimang si Mandy Lopena, 21, nakatira sa Block 7, Lot 35, Rocky Side Ville, Barangay Bagumbayan sa lungsod.
Sa report ng Taguig City Police, noong Biyernes ng umaga ay natagpuan ang bangkay ng biktima sa baba ng pader na may solar poÂwer na pag-aari ng isang nagngangalang Cornelio Tanyo, na matatagpuan sa Santo Niño St., Holy Family Village, Barangay Bagumbayan sa lungsod.
Sa pagsisiyasat ng Sector 3 law enforcers, nabatid na tinangka umano ng biktima na akyatin ang mataas na bakod pero nahawakan nito ang live-wire kaya nangisay hanggang tuluyang mamatay.
Sa rekord ng pulisya, sinasabing ang biktima ay sakit umano ng ulo sa kanilang barangay dahil maraming beses na umano itong nasasangkot sa kaso ng pagnanakaw.
- Latest
