2 Paslit natupok sa sunog

MANILA, Philippines - Nasawi ang isang 2-anyos na batang babae na si Leilzei Joy Buyco matapos na madaganan ng debris ng nasusunog nilang bahay kahapon ng madaling-araw sa Makati City.

Sa imbestigasyon, nagsimula ang sunog sa ikalawang palapag ng bahay ng pamilya Buyco sa kanto ng Arellano at Zobel Roxas St. dakong alas-2:10 ng madaling-araw na mabilis na kumalat sa iba pang kabahayan na pawang gawa sa kahoy.

Samantala, isang 11-buwang gulang na sang­gol na si Mary Claire Flores ang nasawi sa sunog na tu­mupok sa mahigit 100 kabahayan sa Sitio Bato, Barangay Ermita, Cebu City kamakalawa ng gabi.

Batay sa ulat, naganap ang sunog dakong alas-6:00 ng gabi nang iniwan ang sanggol ng ama para may bilhin sa tindahan. – Danilo Garcia, Ricky Tulipat –