Ginang patay sa heat stroke
MANILA, Philippines - Hindi na umabot ng buhay sa President Diosdado Macapagal Memorial Medical Center ang isang 50-anyos na ginang na umano ay tinamaan ng heat stroke habang nakasakay ito sa isang pampasaherong bus kamakalawa sa Caloocan City.
Ang nasawi ay kinilalang si Leonor Tabacu, 50, nakatira sa San Antonio, Nueva Ecija.
Batay sa pahayag ni Jeho Balabagan, 19, conductor ng pampasaherong bus na hindi na binanggit ang pangalan sa report, dakong alas-2:45 ng hapon ay nakasakay ang biktima sa kanilang bus.
Pagsapit sa pagitan ng R. Papa St., at 2nd AveÂnue, Caloocan City ay biglang nawalan ng malay si Tabacu kaya’t kaagad isinugod sa naturang ospital, subalit hindi na ito nakarating ng buhay.
Isa sa mga teorya ng pulisya, hinihinalang tinaÂmaan ng heat stroke si Tabacu dahil sa sobrang init ng panahon.
- Latest
