1-anyos na bata dinukot sa QC
MANILA, Philippines -Dinukot ng hindi pa kilalang mga suspek ang isang 1-anyos na batang lalaki noong Martes ng umaga malapit sa kanilang bahay sa Brgy. San Antonio, Quezon City.
Ang biktima ay nakiÂlalang si Lovelio Mendoza, Jr., ng no. 33 Block A. Sto. Niño St., BaranÂgay San Antonio sa lungsod.
Ang pagdukot sa bata ay inireport ng tatay nito na si Lovelio Sr., sa Station 2 kahapon ng madaÂling-araw.
Sa salaysay ng matandang Lovelio, dakong alas-10:00 ng umaga noong Martes naganap ang pagdukot sa anak na nangyari malapit sa bahay nito.
Nabatid na iniwan panÂÂsamantala ang bata ng kanÂyang nanay sa isang tinÂdahan, pero pagkabalik ay nawawala na ito.
Maghapon umanong hinanap ng nanay ang bata sa buong paligid, subalit hindi na ito nakita pa.
Isang Rolly Plaza ang nagsabi sa pulisya na isang lalaki ang nakita niyang bitbit ang bata sa may San Jose covered court at isinakay sa isang tricycle at mabilis na umalis sa lugar.
- Latest
