Dalaga utas sa ‘killer highway’
MANILA, Philippines - Hindi na umabot ng buhay sa ospital ng isang 26-anyos na dalaga matapos na mabundol ito ng isang pampasaherong jeep habang tumatawid kamakalawa ng gabi sa tinaguriang “killer highway†na Commonwealth Avenue, Quezon City.
Ang nasawi ay nakilaÂlang si Maybelin Poliarco, residente sa no. 7 Pag-ibig, Brgy. Commonwealth sa lungsod at kawani ng R-Jell General Services Company at bread winner sa kanyang pamilya.
Ang suspek na sumuko sa pulisya ay nakilalang si Jeremy Lagua, 20, binata ng Bagong Silang, driver ng jeep (PBG-529).
Batay sa ulat, dakong alas-6:40 ng gabi ay tumawid ang biktima sa nasabing kalye malapit sa Don Fabian St., at hindi nito nakita ang mabilis na sasakyan ng suspek na dumarating at nasalpok ito.
Sa lakas ng pagkakaÂbangga, tumilapon ng ilang metro ang biktima na una ang ulo na bumagsak sa kalye at isinugod ng ilang nagmalasakit na residente sa Malvar Hospital, subalit idineklara ring dead-on-arrival.
- Latest
