Kelot dinedo ng apat
MANILA, Philippine s- Dedo ang isang 36-taong gulang na kelot makaraang pagtulungang tagain, hampasin ng kahoy at tubo ng apat na naÂkaalitan nito sa Quezon City, kahapon ng madaÂling-araw.
Kinilala ang nasawi na si Nicanor Malobay, 36, ng Riverside Unit 5, Brgy. Commonwealth sa lungsod.
Nakilala ang dalawa sa mga suspek na sina Francis Labado, 29, consÂtruction worker na naka-confine ngayon sa ospital matapos magtamo ng tama ng saksak sa tiyan at isang alyas Berto Labado.
Sa ulat ni PO2 George Caculba, may-hawak ng kaso, nangyari ang insidente sa may kahabaan ng Lawin St., Riverside Unit 5, ng nasabing barangay ganap na ala-1:50 ng maÂdaling-araw.
Ayon sa testigong si Perfecto Caribigan, sinaÂmahan niya ang biktima papauwi matapos masangkot ito at ang kanyang anak sa gulo laban sa mga suspek.
Habang naglalakad sa nasabing kalye ay nakaabang na umano ang mga suspek na may hawak na jungle bolo, tubo at kahoy.
Nang makita nila ang biktima ay biglang nila itong sinugod at pinagtulungan pero nagawa pang makalaban at nasaksak niya sa tiyan si Labado.
- Latest
