NAIA transport COOP leader nilikida

MANILA, Philippines - Malapitang binaril sa ulo ang isang lider ng transport cooperative sa compound ng kanilang koope­ratiba sa Parañaque City kahapon ng umaga.

Ang biktima na namatay noon din dahil sa tama ng bala sa ulo ay nakila­lang si Edito Ruaya, nasa hustong gulang, chairman ng Ninoy Aquino International Airport (NAIASC) Service Cooperative.

Batay sa ulat ng pulis­ya, dakong alas-5:45 ng umaga ay nasa loob ng canteen ng compound ng NAIA Service Coope­rative na matatagpuan sa Dr. A. Santos Avenue ang biktima.

Dito ay dalawang la­la­ki ang pumasok sa can­teen ng kooperatiba at paglapit sa biktima ay agad na binaril ito ng isa sa dalawang suspek na armado ng kalibre 45 baril sa kaliwang bahagi ng ulo ang biktima.