Mga ‘kasalanan’ at ‘seksuwalidad’ ni Lacson ibubuko ni Miriam
MANILA, Philippines - Tinawag ni Sen. Panfilo Lacson na “lunatic idea†ang ipinapahiwatig ni Sen. Miriam Defensor Santiago na isa siyang bading.
Ito ang inihayag ni Lacson sa banta ni Santiago na may pasasabugin laban sa kanyang mga kasalanan at seksuwalidad.
Nabatid na nagbanta si Santiago nang makaÂpanayam sa radyo (Radyo Inquirer 990AM) na dapat paghandaan ni Lacson ang kanyang mga ibubunyag na maaari niyang gawin sa pagbabalik ng sesyon lalo pa’t mayroon siyang ‘parliamentary immunity’.
Tinawag pa niyang “Pinky†Lacson ang senador na magtatapos na ang termino sa Senado.
“Maghanda ka. Dahil mayroon akong parliamentary immunity. Ibubulgar ko lahat ng kasalanan mo. Pati ang sexuality mo,†sabi ni Santiago.
Nagbanta pa si Santiago na idedemanda niya ng libel si Lacson kapag sumagot ito sa kanya lalo pa’t mawawala na ang kanyang parliamentary immunity kapag hindi na ito senador.
Matatandaan na ibinunyag ni Lacson na ginagamit ni Santiago ang pondo ng Senado sa pag-renta sa sarili nitong building.
Nangako si Santiago na sasagutin ang lahat ng mga isyu ni Lacson laban sa kanya at ibubunyag din ang mga kasalanan ng senador.
- Latest
