Kartero binoga sa mukha

MANILA, Philippines - Sabog ang mukha ng isang kartero nang ito ay barilin habang sakay ng kanyang motorsiklo ng isa sa dalawang lalaki na sakay din ng motorsiklo kamakalawa sa kahabaan ng Brgy. Tulay, Maragondon Cavite.

Namatay noon din ang biktima na nakilalang si Gerry Angue, 47-anyos,may asawa, residente ng Brgy. Tulay B. Hindi pa kilala ang mga suspek na tumakas sakay ng motorsiklo.

Sa ulat ng pulisya,dakong alas-5:25 ng hapon ay sakay ang biktima ng kanyang motorsiklo at binabagtas ang nasabing lugar nang harangin ng mga armadong suspek na nakasakay sa isang motorsiklo at walang sabi-sabing pinagbabaril ang biktima.

Wala pa ring malinaw na motibo na nakukuha ang pulisya kung bakit pinatay ang biktima.