Binatilyo aksidenteng naaresto sa shabu

MANILA, Philippines - Maituturing ng mga otoridad na aksidente lang ang pagkakaaresto nila sa isang 17-anyos na binatilyo na may dalang shabu ha­bang nagsasagawa sila ng surveillance operation laban sa isang drug pusher sa Caloocan City kamakalawa ng gabi.

Hindi na pinangalanan ang suspek na residente ng Santo Tomas St., Maypajo, Caloocan City dahil sa pagi­ging menor de edad nito

Batay sa ulat, dakong alas-3:00 ng ha­pon ay nag­sa­sagawa ng surveillance ang mga pulis hinggil sa isang tulak ng droga  na nakilala lang sa “alyas Rapi” sa kahabaan ng Sa­balo St., nang mapansin ng mga pulis ang suspek na   may ibinulsa.

Nilapitan ito at kinap­kapan ng mga pulis at nakuha ang isang sachet ng shabu, na naging da­hilan upang ito ay ares­tu­hin.