Pulis na hinihintay ang misis todas sa ambush

MANILA, Philippines - Pinagbabaril ng limang kalalakihan ang isang pulis habang naghihintay sa kanyang misis kahapon ng umaga sa Malabon City.

Namatay noon din dahil sa mga tama ng bala sa iba’t ibang parte ng katawan at ulo ang biktmang si PO2 Rolando Madronero Jr., 32, nakatalaga sa Regional Holding Area ng National Capital Region Police Office.

Batay sa ulat, dakong alas-6:45 ng umaga ay na­­ka­upo sa kanyang mo­tor­siklo ang biktima at hi­nihintay ang kanyang misis na hindi binanggit ang pangalan sa 1st St., Ba­ran­gay Tañong ng naturang lungsod upang bigyan ng monthly financial support.

Dito ay biglang sumul­pot ang mga suspek at agad na pinagbabaril ang biktima hanggang sa bu­mulagta ito sa kalye.

Nang masigurong patay na kas­wal lang na naglakad ang mga suspek na tila pa­rang walang nang­yari.

Patuloy ang imbesti­gasyon ng pulisya kung ano ang motibo ng pama­mas­lang sa nasabing pulis.