2 Dayuhan huli sa droga

MANILA, Philippines - Dalawang dayuhan, ang isa ay babaeng Thai national at isang Swedish national ang dinakip ng mga awtori­dad sa magkahiwalay na pagsalakay sa Taguig at Para­ñaque City, kamakalawa.

Unang naaresto ng Ta­guig police ang suspek na si Anna P. Roengsamran, alyas Thailander, 40-anyos, na naninirahan sa #164-E Manalo Apartment, Holy Family Village, Bagumba­yan, Taguig, ganap na alas-4:00 ng hapon.

Sumunod na dinakip ang isang Swedish national na si Bjarne S. Chelin, 65 na pansamantalang nanunuluyan sa 1EB Annex 38, Barangay Don Bosco, Parañaque City, ganap na alas-11:30 ng gabi.

Ayon sa report,  matagal ng under surveillance ang dalawang dayuhan dahil na rin sa impormasyong na­karating sa pulisya na nag­tutulak sila ng droga.

Nang makumpirma sagkot nga sa illegal ‘drug trade’ ang dalawang suspek ay agad na isinagawa ang buy-bust operation na nagresulat ng kanilang pagkakaaresto.

Kapwa nahaharap nga­yon sa kasong drug pushing ang dalawang suspek.