Nene tepok sa SUV

MANILA, Philippines - Hindi na umabot ng buhay ang  isang 7-anyos na batang babae matapos itong mabundol at ma­ka­ladkad ng isang SUV kamakalawa sa kahabaan ng national highway sa bayan ng Matalam, North Cotabato.

Ang biktima ay naki­lalang si Quennie Rose Mendoza, Grade 1 pupil at residente ng  Brgy. Poblacion sa bayang ito.

Sa ulat ng Central Mindanao Police, bandang alas-10:00 ng umaga ay biglang nagtatakbo patawid ang bata na siya na­mang mabilis na pagdating ng  isang KIA SUV na minamaneho ni Arthur Anolao, empleyado ng Kabacan Water District sa lalawigan kaya’t nasalpok ito at nakaladkad pa ng ilang metro.

Nasugatan rin ang dri­ver ng behikulo matapos na aksidenteng mahulog sa kanal sa lakas ng pagkakabangga sa bata.