2 ridertumalsik sa motor,dedbol
MANILA, Philippines - Namatay noon din ang dalawang sakay nang tumalsik sila matapos sumalpok sa gutter ang kanilang sinasakyang motorsiklo sa tabi ng highway sa Alijis Road, Bacolod City kamakalawa.
Ang mga nasawi ay kinilalang sina Nikki Pacantang, 22 at Romeo Cuba, 28; pawang residente ng St. Vincent Subdivision, Brgy. Alijis ng lungsod na ito.
Batay sa ulat, bandang ala-1:00 ng madaling-araw ay mabilis na tinatahak ng mga biktima ang nasabing highway pauwi sa kanilang bahay nang sumalpok sa gutter sa tabi ng highway ang motorsiklong sinasakyan.
Sa lakas ng pagkakasalpok ay tumilapon ang dalawa at nabagok ang ulo sa pagbagsak sa kalsada
Nabatid na wala umanong suot na helmet ang dalawa at umano ay nasa impluwensiya ng alak nang maganap ang aksidente.
- Latest
