Army Corporal inaresto sa pagpuslit ng mga baril

MANILA, Philippines - Isang Army Corporal ang dinakip ng mga oto­ridad matapos itong mahulihan ng mga baril na walang lisensya na ibibiyahe sa Mindanao sa isinagawang operasyon sa Pier 1 ng Cebu City ka­makalawa ng gabi.

Ang nasakoteng sus­pek ay nakilalang si Corporal Richard Francilizo, 37, nakatalaga sa Panay Island.

Batay sa ulat, bandang alas-6:00 ng gabi nang humingi ng tulong ang mga security guard sa pantalan matapos na madiskubreng may mga dalang armas ang suspek.

Nang halungkatin ang dalang bag ng suspek ay  nasamsam ang anim na cal. 45 pistol at isang .357 revolver na nakuha mula sa bag nito.

Lumilitaw sa imbesti­gasyon na galing sa Danao City ang nasabing mga armas na ibibiyahe sa Mindanao at idadaan sa Dumaguete City.