CLEVELAND - Nagkuwintas si Donovan Mitchell ng 23 points, pitong rebounds at walong assists para tulungan ang Cavaliers sa 119-95 pagtuhog sa Philadelphia 76ers sa isang NBA Cup group stage game.
Nag-ambag si Evan Mobley ng 22 points at may 17 markers si James Harden para sa Cleveland (5-4) na nagmula sa magkasunod na pagkatalo sa Oklahoma City Thunder.
Nalimitahan si LeBron James — piniling pumirma sa Philadelphia (8-2) sa offseason kesa bumalik sa Cleveland — sa walong puntos mula sa masamang 3-of-12 field goal shooting.
Ito ang ika-10 pagkakataon sa 24-year career ng tubong Akron, Ohio na nalimitahan siya sa single digits sa regular season.
Sa iba pang laro, panalo ang Atlanta Hawks sa Washington Wizards, 139-132; dinomina ng Boston Celtics ang Charlotte Hornets, 119-80; tinalo ng Dallas Mavericks ang Utah Jazz, 112-100; pinatumba ng Oklahoma City Thunder ang Memphis Grizzlies, 128-97; at wagi ang Toronto Raptors sa Milwaukee Bucks, 121-107.