Spurs binuhat ni Wembanyama
SAN ANTONIO — Nagkadena si Victor Wembanyama ng 29 points at 10 rebounds para banderahan ang Spurs sa 130-103 demolisyon sa Sacramento Kings at ilista ang una nilang home victory sa season.
Nagdagdag si Julian Champagnie ng 26 points mula sa 8-for-13 three-point shooting sa pagbangon ng San Antonio (2-2) sa kanilang mga home losses sa Oklahoma City Thunder at Houston Rockets.
Tumipa si Fil-Am guard Dylan Harper ng 13 points, anim na rebounds at anim na assists.
Kumolekta si veteran center Domantas Sabonis ng 20 points, 14 rebounds at walong assists sa panig ng Sacramento (0-4) na nakahugot kina De’Andre Hunter at Zach LaVine ng 24 at 22 points, ayon sa pagkakasunod.
Matapos kunin ang first period sa 39-29 ay humarurot ang Spurs sa second quarter para iwanan ang Kings sa halftime, 80-54.
Binuksan ng San Antonio ang third period mula sa isang alley-oop slam ni Wembanyama at 3-pointer ni Devin Vassell na tuluyan nang nagbaon sa Sacramento.
Sa iba pang laro, lusot ang Boston Celtics sa Broooklyn Nets sa overtime, 125-124; wagi ang New York Knicks sa Detroit Pistons, 111-97; at panalo ang Portland Trail Blazers sa Los Angeles Lakers, 136-129.
- Latest
