Nxled, Farm Fresh magbabangasan

MANILA, Philippines — Mag-uunahan sa paghataw ng ikalawang sunod na panalo ang Nxled at Farm Fresh sa 2026 Premier Volleyball League (PVL) All-Filipino Conference Siklab leg.

Nakatakda ang duwelo ng Chameleons at Foxies ngayong ala-1 ng hapon, habang magtutuos ang Creamline Cool Smashers at Galeries Tower Highrisers sa alas-6 ng gabi sa Playtime FilOil Centre sa San Juan City.

Kapwa umiskor ng panalo ang Nxled at Farm Fresh sa pagsisimula ng kanilang kampanya sa Siklab leg.

Pinutol ng Chameleons ang koneksyon ng PLDT High Speed Hitters, 25-16, 25-20, 25-18, tampok ang pagbabalik sa hardcourt ni Fil-Am Brooke Van Sickle.

“Nobody wants to be injured, and the recovery process has been a long one, with its share of ups and downs. But my teammates, coaches, and management supported me throughout the entire process of getting back on the court,” ani Van Sickle na hindi nakalaro sa nakaraang PVL on Tour dahil sa minor shoulder injury.

Muling makakatuwang ni Van Sickle sina Myla Pablo, MJ Phillips, Jonah Escamillan, EJ Cariño at Jackie Acuña.

Wagi naman ang Foxies kontra sa Highrisers, 25-23, 25-22, 25-15, sa li?kod ng game-high 14 points ni Mylene Paat-Rezanova.

Makakatulong ni Paat-Rezanova sina Trisha Tu?bu, Ces Molina, Rri Meneses, Lycha Ebon at Camille Victoria.