Do-or-Die vs One-and-Done
Bentahe ang higher seeds dahil sa kanilang win-once advantage. Pero walang “safe” o feeling “sigurado” na sila’y automatic na uusad sa PBA Season 50 Commissioner’s Cup Final Four.
No. 1 NLEX, No. 2 Barangay Ginebra, No. 3 Rain or Shine at No. 4 Meralco ang twice-to-beat teams.
Pero sila ang unang magsasabing hindi “security” ang twice-to-beat shield.
If ever, ang maibibigay lang nito eh konting room for error. Kung madapa sa unang laban, may pag-asa pang bumangon at rumesbak sa susunod na game.
Humaharap sa twice-to-win challenge ang No. 5 Magnolia, No. 6 San Miguel Beer, No. 7 Phoenix at No. 8 TNT.
Ang basa ko sa aking bolang kristal, hindi bababa sa dalawang higher-ranked teams ang madudupilas. Araguy!
Sa maraming PBA followers, TNT at San Miguel Beer ang lower-ranked teams na maituturing pa rin na favorites sa kanilang respective matchups.
Champion teams. Solid locals. Dependable imports. Winning culture.
‘Yan nga naman ang dala-dala nila sa pagpasok sa playoffs.
Ibig sabihin, kahit nagpundar ng magandang record sa elims, kailangan pumiga pa rin ng NLEX at Rain or Shine para umusad sa semifinals.
Ganoon din naman ang hinaharap ng Meralco kontra Magnolia.
Mukhang Ginebra ang may mas maluwag na daan patungo sa semis. Pero hindi rin naman pwedeng i-count out na agad ang Phoenix. One thing to consider si import Johnathan Williams.
Urgency vs security ang bottom line. Do-or-die ang laban ng Bottom Four. One-and-done ang habol ng Top Four.
- Latest
