Nagbabagang homestretch
Tapos ang karera para sa quarterfinals. Pero hindi pa natatapos ang pwestuhan sa Top 8.
Ang tanging selyado eh ang No. 1 spot para sa NLEX (10-2). Ang second to eighth ay patuloy na paglalabanan – o tuloy ang rambulan for playoff seedings.
Nakahawak na sa twice-to-beat shield ang Barangay Ginebra (8-3) at Rain or Shine (8-3) pero tuloy ang kanilang laban for No. 2 at No. 3.
Kasalukuyang No. 4 ang Meralco (7-3). Pero kung hindi na mananalo, pwede pa silang abutin ng kahit sino sa Magnolia (6-5), Phoenix (6-5), TNT (6-5) at San Miguel Beer (6-5).
Ibig sabihin mainit pa rin ang salpukan sa mga natitirang laro – last three double-headers ngayong gabi sa Ninoy Aquino Stadium, bukas sa Ynares Antipolo at sa Sunday sa MOA Arena.
Mababawasan ang complications kung talunin ng Meralco ang Terrafirma sa kanilang 5:15 p.m. match ngayong gabi.
Isang panalo at sigurado na rin ang Bolts ng twice-to-beat bonus.
Pero mananatiling rambol ang Phoenix, Magnolia, TNT at San Miguel Beer for No. 5 to No. 8. At malamang na tutok sa panonood ang Top 4 teams.
Syempre dangerous para sa lahat ang playoff matchup kontra Philippine Cup champion San Miguel.
Nakakatakot din kalaban ang TNT with 7-3 import Bol Bol. Mahirap kalaban ang TNT dahil pwedeng sa playoffs nila makuha ang magandang rhythm at form.
Ang ibig sabihin: Maganda ang twice-to-beat advantage, pero hindi sure ball na mararating mo ang semifinals.
- Latest
