Bucks sinapawan ng Nuggets
MILWAUKEE - Kumamada si Julian Strawther ng season-high 20 points at nagtayo ang Denver Nuggets ng isang 23-point lead bago itakas ang 102-100 panalo laban sa Bucks.
Mula sa 63-86 pagkakabaon ay nakadikit ang Milwaukee (18-96) sa 97-99 galing sa three-point shot ni Ryan Rollins sa huling 29.3 segundo ng fourth quarter.
Nakalayo ang Denver (31-15) sa 101-97 matapos ang dalawang free throws ni Tim Hardaway Jr. sa natitirang 10.6 segundo.
Muling kumonekta ng triple si Rollins para sa 100-101 agwat ng Bucks sa nalalabing 5.4 segundo.
Ang split ni Jalen Pickett sa huling 4.5 segundo ang nagbigay sa Nuggets ng 102-100 kalamangan.
Mintis naman ang desperadong tira ni Kyle Kuzma sa posesyon ng Milwaukee.
Iniskor ni Rollins ang 15 sa kanyang 21 points sa fourth quarter, habang tumipa si Giannis Antetokounmpo ng 22 points, 13 rebounds at 7 assists.
Naglalaro ang Denver na wala si three-time MVP Nikola Jokic na huling sumalang noong Disyembre 29 kung saan siya nagkaroon ng bone bruise sa kaliwang tuhod sa first half.
Sa iba pang laro, ginulantang ng Indiana Pacers ang nagdedepensang Oklahoma City Thunder, 117-114; pinulutan ng Toronto Raptors ang Portland Trail Blazers, 110-98; pinabagsak ng New Orleans Pelicans ang Memphis Grizzlies, 133-127; at pinasabog ng Houston Rockets ang Detroit Pistons, 111-104.
- Latest
