Team Philippines kumapit sa 5th place
Kumolekta ng 4 ginto
MANILA, Philippines — Apat na gintong me—dalya ang kinolekta ng Team Philippines sa pagkapit sa fifth place sa overall medal standings ng 33rd Southeast Asian Games kahapon sa Thailand.
Ang mga ito ay galing kina pole vaulter Ernest John Obiena, gymnast Jasmine Althea Ramilo, kickboxer Zyra Bon-as at rowers Joanie Delgaco at Kristine Paraon.
Lumundag si Obiena ng bagong SEAG record na 5.70 meters para muling pagharian ang men’s pole vault sa ikaapat na sunod na pagkakataon.
Wagi ang 17-anyos na si Ramilo sa women’s rhythmic gymnastics individual all-around, habang panalo sina Delgaco at Paraon sa women’s rowing double sculls event.
Ang gold ni Ramilo ang ikatlo ng bansa sa gymnastics matapos ang mga panalo nina Olympian Aleah Finnegan (women’s vault) at John Ivan Cruz (men’s vault).
Sumipa rin ng ginto si Bon-as sa women’s low kick -48kg para sa ika-30 gintong medalya ng Pilipinas matapos humakot ng walo noong Lunes.
Nagdagdag ng silver sina Mariel Abuan (women’s high jump), Yacine Guermali (men’s 10,000m), Whinny Bayawon (men’s light kick -57kg), aquathletes Kira Ellis, Kim Mangrobang at Erika Burgos (women’s team relay), Ellis, Matthew Justine Hermosa, Raven Alcoseba at Kim Remolino (mixed team relay) at ang ASEAN rapid men quadruple team.
Nakuntento sa bronze sina rower Cris Nievares (men’s single sculls), Elijah Cole (pole vault), fencer Nathaniel Perez (senior men’s individual foil), boxers Ofeila Magno (women’s 48kg) at Riza Pasuit (women’s 60kg), Sara Dequinan (women’s decathlon), Jessa Mae Roda (women’s 3000m steeplechase), Edgar Villapaña at Jonalyn Parocha (sailing mixed 470), kickboxers Mikko Camingawan (men’s full contact 57kg), Jomar Bolangui (men’s K-60kg), Renalyn Dacquel (women’s K-52kg) at Jansen Pareja (men’s low kick 51kg).
Sa boxing, tumiyak ng silver sina Jay Bryan Baricuatro (men’s 48kg) at Flint Jara (men’s 54kg) matapos umabante sa finals.
- Latest
