Pirates nakaganti

MANILA, Philippines —  Tinusok ng Lyceum of the Philippines University ang ikalawang sunod na panalo matapos ang 88-74 paggupo sa San Sebastian College-Recoletos sa second round ng NCAA Season 101 men’s basketball tournament kahapon sa FilOil Centre, San Juan City.

Nagbagsak si Gyle Montaño ng season-high 22 points para sa 3-8 baraha ng Pirates sa Group A kasabay ng paghuhulog sa Stags sa 3-9 marka.

Nagdagdag si Renz Villegas ng 14 points, 6 rebounds at 2 steals para sa Lyceum na nakabawi sa kanilang 94-100 double-overtime loss sa San Sebastian sa first round.

Sa unang laro, dumikit ang San Beda sa ‘twice-to-beat incentive’ sa quarterfinals matapos talunin ang Jose Rizal University, 65-56, sa Group B.