Biado, 9 pa pasok sa knockout stage ng US Open
MANILA, Philippines — May 10 pinoy cue artists ang tutumbok sa knockout stage ng US Open Pool Championship na lalaruin sa Harrah’s Resort, Atlantic City, USA ito’y matapos ang matagumpay na kampanya sa qualification round.
Pinangunahan nina reigning World 9-Ball champion Carlo Biado at Johann Chua ang mga Pinoy na galing sa winners qualification para makatuntong sa round-of-64
Walang talo sa tatlong laro sina Biado, 2025 Knight Shot Open champion, Chua, Bernie Regalario at Jefrey Roda.
Umahon mula sa losers side sina Michael Baoanan, Harry Vergara, Baseth Mocaibat, Roberto Gomez, Marvin Asis at SEAG veteran Lee Vann Corteza.
Makakalaban ni Biado sa last 64 si Denis Grabe ng Stonia, katapat ni Chua si Thorsten Hohmann ng Germany, kalaban ni Roda si Oliver Szolnoki ng Hungary at kaharap ni Regalario si Mieszko Fortunski ng Poland. ED
- Latest
