^

PM Sports

Junior Altas tinapos agad ang Red Cubs

Russell Cadayona - Pang-masa
This content was originally published by Pang-masa following its editorial guidelines. Philstar.com hosts its content but has no editorial control over it.

MANILA, Philippines — Hindi na nagpatumpik-tumpik ang University of Perpetual Help System DALTA para makabalik sa championship round ng NCAA Season 100 juniors basketball tournament.

Ito ay matapos sibakin ng No. 1 Junior Altas ang No. 4 San Beda Red Cubs, 96-87, sa Final Four kahapon sa FilOil EcoOil Centre sa San Juan City.

Kumolekta si rookie Dan Rosales ng 19 points, 6 rebounds, 2 assists at 1 steal sa pagbabalik ng Perpetual sa finals matapos mabigo sa back-to-back champions Letran sa Season 99.

“Hindi pa po kami kuntento dito na nanalo kami sa semis,” ani Rosales sa Junior Altas na may bitbit na ‘twice-to-beat’ advantage sa Final Four kagaya ng Squires. “Pag-iigihan pa po namin at sa training po magsisimula.”

Samantala, humirit ang No. 3 St. Benilde-LSGH Greenies ng ‘do-or-die’ game laban sa No. 2 Squires matapos itakas ang 78-74 overtime win.

Nagdagdag si Jan Roluna ng 15 points para sa Perpetual  habang tumipa si JD Pagulayan ng 13 markers, 5 rebounds at 1 steal.

Itinakda ang ‘winner-take-all’ match ng Letran at St. Benilde-LSGH bukas kung saan ang mananalo ang sasagupa sa Perpetual sa finals.

Bumandera ang San Beda sa first period bago magpakawala ang Las Piñas crew ng isang 26-9 atake para agawin ang 51-40 halftime lead.

Bumida si Pagulayan sa third quarter para gabayan ang Junior Altas sa 68-56 paglayo sa Red Cubs patungo sa 90-81 bentahe sa huling 3:23 minuto ng final canto.

NCAA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with